سعودیە هۆشداری دەدات لەوەی، ناوی خودا “الله” بخرێتە سەر جانتا و ئەو كەلوپەلانەی كە نمایش دەكرێن لە بازاڕ و دووكانەكان.
ئەنجومەنی ژوورەكانی سعودیە ئەمڕۆ پێنجشەممە 26ی تشرینی دووەم، سەرجەم دووكان و بازاڕەكانی ئاگاداركردووەتەوە لەوەی، “نابێت چیتر كیس و جانتا و كەلوپەلەكان ناوی ‘الله’یان بخرێتەسەر”.
ئەوەش ئاشكراكراوە، وەزارەتی بازرگانیی سعودیە ژمارەیەك سكاڵای لەسەر ئەوە پێگەیشتووە كە ئەو كارە سوكایەتیی ئاینییە.
ئەوە لەكاتێكدایە ئەمدواییانە چەند جۆرێك لە جانتا و بەرهەمی دیكە كە كڕین و فرۆشتنیان پێوە دەكرێت لە سعودیە، ناوی خودایان خرابووە سەر.
