هەردوو یانەی بایرن میونشنی ئەڵمانی و پاریس سانجێرمانی فەرەنسی كڕینی ڕۆناڵدۆیان ڕەتكردۆتەوە.
خۆرخی میندێزی بەڕێوەبەری كارەكانی ڕۆناڵدۆ ، یاریزانە پورتوگالییەكەی پێشكەشی هەردوو یانەی بایرن میونشن و پاریس سانجێرمان كردووە.
بەڵام هەردووكیان هێرشبەرە تەمەن 37 ساڵەكەیان ڕەتكردۆتەوەو پێیانوابووە كە سودی بۆ یانەكە نابێت.
ڕۆناڵدۆ لە ئێستادا مانی گرتووە و پەیوەندی بە ڕاهێنانەكانی مانچستەر یونایتدەوە نەكردووە و دەیەوێت لە یانەیەك یاریی بكات كە ڕكابەری چامپیۆنز لیگ بكات.
لە ئێستادا تەنها یانەی چێڵسی هەیە گرێبەستی لەگەڵ ئیمزابكات و ئەویش ئیدارەی یانەكە بووە بە دوو بەرەوە.
بەرەیەك پێیوایە لە ڕووی بازرگانییەوە كڕینی ڕۆناڵدۆ سودی دەبێت و بەرەیەكیش پێیوایە لە ڕووی تەكتیكییەوە هەمان كێشەی لۆكاكۆ دروستدەكاتەوە.
