بەیانیی ئەمڕۆ لە باخێکی گوندی چیمەن لەسەر ڕێگای کەرکوک- سلێمانی سێ تەرم دۆزرانەوە، کە شەوی ڕابردوو لە هەمان باخدا کوژرابوون، بەپێی زانیارییە سەرەتاییەکان بەهۆی کێشەی کۆمەڵایەتییەوە کوژراون.
سەرچاوەیەکی ئەمنی سەبارەت بەڕووداوەکە بە تۆڕی میدیایی ئێستای ڕاگەیاند، کوژراوەکان ژنێک و دوو پیاون، کە ژنێک و هاوسەرەکەی و برایەکی ژنەکە بوون.
بەپێی ئەو سەرچاوەیە، یەکێک لە کوژراوەکان کوردە بەناوی (ئ،ح) تەمەنی 70 ساڵە و خاوەنی باخەکەیە و شوێنەواری بتڵی شوشە بە سەریەوە بووە.
وتیشی، دوو کوژراوەکەی دیکە بە نەتەوە عەرەبن و خوشک و برای یەکترن، کوڕەکە تەمەنی 30 ساڵە بە ناوی( ق،ع) و بەفیشەک کوژراوە.
ئامەژەی بەوەشکرد، ژنە کوژراوەکە تەمەنی 40 ساڵە بەناوی (ب،ع) شوێنی چەقۆ بە جەستەیەوە بووە.
بەپێی ئەو سەرچاوەیە، گومان دەکرێت بەهۆی کێشەی کۆمەڵایەتیەوە کوژرابن، لێکۆڵینەوەکان دەستیانپێکردووە.
