لە ڕووداوێكی هاتوچۆدا لەسەر شەقامی 100 مەتريی شاری هەولێر دوو كەس گیانیان لەدەستدا و دوو كەسی دیكەش برینداربوون.
فازڵ حاجی وتەبێژی بەڕێوەبەرایەتیی هاتوچۆی هەولێر ڕایگەیاندووە، كاتژمێر 6ی بەرەبەیانی ئەمڕۆ شەممە، لەسەر شەقامی 100مەتری، لە دەروازەی ئۆڤەر پاس و ئەندەرپاسی ڕێگای بەحركە، ئوتومبێلێكی جۆری دۆجی تایبەت بەخێراییەك ڕۆیشتووە كەنزیكبووە لە200كیلۆمەتر لەكاتژمێرێك و كۆنترۆڵی لەدەستداوە.
ڕاشیگەیاندووە، “بەداخەوە لەدەرەنجامی ڕووداوەكە دوو كەس گیانیان لەدەستدا و دووكەسی دیكە زۆر بەسەختی برینداربوون و زیانێكی مادديی زۆریش بەر ڕێگاكە و ئوتومبێلەكە كەوتووە”
