بە چەند ڕۆژێك بەر لە بڵاوكردنەوەی یەكەم وێنەی ڕەنگاوڕەنگی زۆر ڕوون كە لەلایەن تەلسكۆبی جیمس وێب-ەەوە گیراوە، ناسا وێنەیەكی ئەزموونیی ئاشكراكرد كە قوڵایی گەردوون دەردەخات.
وێنەكە لە ئاكامی 72 كردەی گەڕان بەدرێژایی 32 كاتژمێر لەڕێی ئامێرێكی وردی تێلیسكۆپەوە گیراوە، هەمان ئەو ئامێرەی ڕێگەی پێدەدات وردبوونەوە بۆ پێكهاتە سەرنجڕاكێشەكان بكات.
ئاژانسی بۆشایی ئاسمانی ئەمریكی (ناسا) لەبارەی وێنەكەوە ڕایگەیاند، “قوڵترین وێنەی گەردوونە كە تائێستا گیرابێت”.
Talk about an overachiever!
Gaze at this test image — an unexpected & deep view of the universe — captured by Webb’s Fine Guidance Sensor (FGS) in May. Built by @csa_asc to point Webb precisely at targets, taking glamour shots isn’t even FGS’s main job: https://t.co/aQUAFHcNV5 pic.twitter.com/uYoh4t8PX2
— NASA Webb Telescope (@NASAWebb) July 6, 2022
وێنەكە بەر لە “دیمەنە سەرسوڕهێنەرەكە”یە كە كۆمەڵی زانستی و هەزاران ئارەزوومەند بەوپەڕی تامەزرۆییەوە چاوەڕوانین، كە بریتییە لە یەكەم وێنەی ڕەنگاوڕەنگی زۆر ڕوونی گەردوون و لەلایەن تێلیسكۆپی جەیمس وێب-ەوە گیراوە و بڕیارە لە 12ی ئەم مانگە بڵاوبكرێتەوە.
تێلیسكۆپەكە لە كانونی یەكەمی ڕابردوو هەڵدرا و ئێستا 1.5 ملیۆن كیلۆمەتر لە زەوییەوە دوورە.
جەیمس وێب توانای سەیركردنی خاڵی دوورتری گەردوون هەیە زیاتر لە هەر تێلیسكۆپێكی پێشتر بەهۆی هاوێنە سەرەكییە گەورەكانی و كەلوپەلەكانی كە توانای وەرگرتنی ئاماژە تیشكییە ژێر سوورەكانی هەیە.
