توركیا و ئیسرائیل هەنگاوێكی دیكەیان بۆ ئاساییكردنەوەی پەیوەندییەكانیان نا و ڕێككەوتنێكیان لەبواری گەشتی ئاسمانیی واژووكرد.
بەپێی هەواڵی میدیای فەرمی توركیا، بە ئامانجی بەهێزکردنی پەیوەندییەکانی نێوان ئیسرائیل و تورکیا و دەستپێکردنی گەشتی کۆمپانیا فڕۆکەوانییەکانی ئیسرائیل بۆ تورکیا، ڕێککەوتننامەیەکی تایبەت بە گەشتی ئاسمانی لەنێوان هەردوولادا واژووکرا.
باسیانلەوەشكردووە، لەدوای ساڵی 1951ەوە بۆ یەکەمجارە ئەو ڕێككەوتنە لەنێوان ئیسرائیل و توركیا واژووبكرێت، وەک بەشێك لە ڕێککەوتننامەکە گەشتی کۆمپانیا فڕۆکەوانییەکانی تورکیا بۆ ئیسرائیل و گەشتی کۆمپانیا فڕۆکەوانییەکانی ئیسرائیل بۆ شارە جیاوازەکانی تورکیا، دەستپێدەکات.
بڕیارەكەش دوای کۆبوونەوەی نێوان دەسەڵاتیی فڕۆکەوانیی مەدەنیی ئیسرائیل و دەزگا پەیوەندیدارەکانی تورکیا و کۆبوونەوەیەکی چەند مانگێک بەر لە ئێستای نێوان وەزیری گەیاندنی ئیسرائیل و هاوتا تورکییەکەی، دێت.
