چاوەڕواندەکرێت ئاگربەست لە لوبنان رابگەیەندرێت و هەر یەکە لە ئیمانوێل ماکرۆن سەرۆکی فەرەنسا و دۆناڵد ترەمپ سەرۆکی داهاتووی ئەمریکا سەرپەرشتی بکرێت.
ئاژانسی رۆیتەرز بڵاویکردەوە، پێشبینی دەکرێت لەماوەی داهاتوودا، ئاگربەست لەنێوان حزبوڵای لوبنان و ئیسرائیل رابگەیەندرێت کە ماوەی چەند مانگێکە شەڕ و ئاڵۆزییەکانیان لە بەشێک لە خاکی لوبنان بەردەوامی هەیە.
هاوکات پێشبینی دەکرێت، پرۆسەی ئاگربەستەکە، لەلایەن دۆناڵد ترامپ سەرۆکی داهاتووی ویلایەتە یەکگرتووەکانی ئەمریکا، و ئیمانوێڵ ماکرۆن سەرۆکی فەڕەنساوە سەرپەرشتی بکرێن.
لەم بارەیەوە ووتەبێژی ئاسایشی نیشتیمانی لە کۆشکی سپی رایگەیاند، لە ئاگربەست زۆر نزیکین، بەڵام تا ڕوونەدات، ناتوانین 100% لێی دڵنیابین.
ئەمە لەکاتێکدایە، ماوەی چەند مانگێکە شەڕ و ئاڵۆزی لەنێوان ئیسرائیل و گرووپە چەکدارەکانی حیزبووڵڵای لوبنان بەردەوامە و لایەنەکانی ناوچەکەش چاویان لە ئاگربەستی نێوان دوو لایە.
