بێژەرێكی ئیسرائیلی بە نهێنی چووەتە سعودیە و لە مزگەوت نوێژیكردووە

بێژەرێكی ئیسرائیلی كە هاوكات شیكەرەوەی سەربازییە، بە نهێنی چووەتە سعودیە و تەنانەت لە مزگەوتێكدا نوێژیكردووە و كەناڵەكەی، سعودیە بە “گرنگترین وڵاتی عەرەبی” ناودەبات.

ئەلۆن بن دەیڤد كە شیكەرەوەی سەربازییە و بێژەری كەناڵی 13ی عیبرییە، ئاشكرایكرد، بە نهێنی سەردانی سعودیەی كردووە.

كەناڵە ئیسرائیلییەكە گرتەیەكی ڤیدیۆیی بڵاوكردەوە كە لە سعودیە تۆماركراوە، دواتر بێژەرەكە لە تویتەر هەمان گرتەی ڤیدیۆیی بڵاوكردەوە و ڕایگەیاند كە خۆی ڤیدیۆكەی تۆماركردووە.

ئەلۆن بن دەیڤد لە سەردانەكەیدا بۆ سعودیە بە بازاڕ و شەقامەكاندا گەڕاوە و چووەتە مزگەوتێك و سەرباری ئەوەی جووە، دەستنوێژیگرتووە و نوێژیكردووە.

بێژەرە ئیسرائیلییەكە سەرسامیی خۆی بە سعودیە دەربڕیوە و ستایشی ئەو وڵاتەی كردووە و نووسیویەتی، “شانشینی عەرەبستانی سعودیە مایەی سەرسووڕمانە، ئارامیبەخشە، پێشوازیلێكردم تەنانەت دوای ئەوەش كە زانییان ئیسرائیلیم”.

لەبارەی سەردانی بێژەرەكەیەوە، كەناڵی 13ی ئیسرائیلی كە بە زمانی عیبری پەخشدەكات نووسیویەتی، “سەردانەكە بێوێنەیە و سعودیە گرنگترین وڵاتی عەرەبییە لە جیهاندا”.

بابەتی پێشتر

هێڤیدار ئەحمەد: گوناهە بەنزینی 800 دیناری دەدەن بە خەڵك

بابەتی دواتر

نزیكەی 120 هەزار كەس فۆڕمیان بۆ وەرگرتنی 20 هەزار یەكەی نیشتەجێبوون پڕكردووەتەوە

بابەتی پەیوەندیدار
زیاتر ببینە

بایدن ماوەی مانەوەی هێز لە ئەفغانستان درێژدەكاتەوە.. پێشتر تاڵیبان هۆشداریی دابوو

چاوەڕێدەکرێت ئەمڕۆ سێشەممە جۆ بایدن سەرۆکی ئەمریکا بڕیار لەبارەی درێژکردنەوەی کۆتاییهاتنی پرسی گواستنەوەی ئەمریکییەکان لە فڕۆکەخانەی کابولەوە بدات،…
Total
0
Share