ئەستێرەی میسری یانەی لیڤەرپوڵ، محەممەد سەڵاح گرێبەستی لەگەڵ یانە ئینگلیزییەکەی بە مووچەیەکی خەیاڵی نوێ کردووەتەوە.
محەممەد سەڵاح لە چەند مانگی ڕابردوودا ماندوو و بێتاقەت دەردەکەوت، هۆکارەکەش ئەوە بوو کە لێپرسراوی کارەکانی لەگەڵ ئیدارەی لیڤەرپوڵ بە بنبەست گەیشتبوو، یانە سوورە زەبەلاحەکە ئامادەنەبوون خواست و داواکارییە دارایییەکانی جێبەجێ بکەن.
دوێنێ هەینی، “ڕێدز” بە شێوەیەکی کتوپڕ نوێکردنەوەی گرێبەستی فیرعەونە میسرییەکەی ڕاگەیاند، یاریزانەکە بە خۆشحاڵییەوە دەرکەوت و تەنانەت تۆمارەکانی بڵاوبوونەوە کە لەگەڵ هاوڕێکانی ئاهەنگ دەگێڕێت.
نهێنییەکە چییە؟
بەپێی زانیارییەکانی “زە سەن”، گرێبەستی سەڵاح بە مووچەی هەفتانەی 350 هەزار پاوەند نوێ کراوەتەوە، کە مانگانە 1.4 ملیۆن پاوەند و ساڵانە 16.8 ملیۆن پاوەند دەکات (19.2 ملیۆن یورۆ)، بەو بڕەش دەبێتە یەکێک لە گرانبەهاترینەکانی جیهان.
