یانەی مانچستەر سیتی ئینگلیزی نزیکبووەتەوە لە فرۆشتنی ئۆلیکساندەر زینچینکۆ بە یانەی ئارسیناڵ.
دوای فرۆشتنی گابریێل جیسۆز و ڕەحیم ستێرلینگ بە یانەکانی ئارسیناڵ و چێڵسی، بەڕێوەبەرانی مانچستەر سیتی نزیکبوونەتەوە لە فرۆشتنی ئۆلیکساندەر زینچینکۆ بە ئارسیناڵ.
فابریزیۆ ڕۆمانۆ، شارەزای بواری گواستنەوەکان ڕایگەیاندووە، تیمی گواردیۆلا و ئارتێتا نزیکن لە ڕێککەوتنێکەوە سەبارەت بە زینچینکۆ، یاریزانە ئۆکرانییەکە پێشتر لەگەڵ ئارتێتا کاری کردووە کاتێک ڕاهێنەری ئارسیناڵ یاریدەدەری گواردیۆلا بووە لە سیتی.
گواستنەوەکە بە 35 ملیۆن پاوەند کۆتایی دێت و بەرگریکارە ئۆکرانییە تەمەن 25 ساڵەکە، دەتوانێت لە پێگەی بەرگری چەپ و چەندین پێگەی دیکە لە باڵی چەپی ئارسیناڵ یاری بکات.
