وەزارەتی کارو کاروباری کۆمەڵایەتیی هەرێم ژمارەیەك هەلی دامەزراندن ڕاگەیاند كە بۆ بڕوانامەكانی دیبلۆم و پاسەوانییە.
وەزارەتەكە لە ڕاگەیەندراوێكدا ڕایگەیاندووە، كە پێویستییان بە دامەزراندنی ژمارەیەك لە هەڵگرانی بڕوانامەی (دیبلۆم) لە ڕەگەزی (نێر) هەیە جگە لە تایبەتمەندیەكانی (زانستی و پزیشكیەكان) بۆ پیشەی (پاسەوان) لە هێزی جێبەجێكار بۆ بەڕێوەبەرایەتییەكانی چاكسازیی گەوران لە پارێزگاكانی (هەولێر، سلێمانی، دهۆك).
دامەزراندنەکە چەند مەرجێک لە خۆی دەگرێت لەوانە، مەرجە ئەو کەسەی فۆڕمەکە پڕدەکاتەوە هاوڵاتیی هەرێمی کوردستان بێت و تەمەنی لە 30 ساڵ زیاتر نەبێت و باڵای 170سم کەمتر نەبێت کێشیشی لە نێوان 60 بۆ 70 کیلۆگرام بێت.
https://docs.google.com/forms/d/e/1FAIpQLSf2ZQoC2t0Yh1hqHjWDUTM4ihcuB8ofLJgkiSROmDayT0vMVw/viewform?fbclid=IwAR2MYH3kvuB-3WPx3Szxy-SMg77tBC22S7rUo8q4HVovAitSm-a0idLnLck
