دوو پەرلەمانتار ڕایدەگەیەنن، لەکاتی وەرگرتنی لۆگۆی تاکسی، لەزگەی ژمارەی شەپۆلی ڕادیۆیەکی ئێف ئێم دەدەن لەپشتی تاکسیەکە بەبێ ویست و ئاگاداریی خاوەنەكەی.
هەریەكە لە عەلی حەمەساڵح و سۆران عومەر لە هەژمارەكانی خۆیان لە فەیسبووك بڵاویانكردووەتەوە، لەکاتی وەرگرتنی لۆگۆی تاکسی، لەزگەی ژمارەی شەپۆلی ڕادیۆیەکی ئێف ئێم دەدەن لەپشتی تاکسیەکە بەبێ ویست و ئاگاداریی خاوەنەكەی و ئەوەشی جێی پرسیارە ئەم ڕادیۆیە بانگەشە بۆ “مەسیحیەت و ئینجیل” دەكات.
دەشڵێن، ئەگەر ڕیکلامە ئەوە شۆفێر خۆی ئازادە ڕیکلام بۆ کێ دەکات و لەبەرامبەریشدا دەبێت سودمەند بێت.
بۆیە ئەو دوو پەرلەمانتارە دەشپرسن، “ئەگەر حکومەتیش ئەم لەزگەی وەک ڕیکلام وەرگرتووە بەچی حەقێک بەبێ پرس و ئاگاداری شۆفێران ڕیکلام بۆ ڕادیۆیەکی تەبشیریی دەکات”!؟
داواش لە شۆفێران دەكەن ڕازیی نەبن ئەو لەزگە لە ئۆتۆمبیلەکەی بدرێت.
