ئیبراهیم تاتڵیساس دوای چەندین ساڵ لە ئەنجامنەدانی كۆنسێرت، ئەمجارە كۆنسێرتێكی لە ئیسرائیل ڕێکخست و بەهەزاران كەسیش لە قودسەوە تیایدا ئامادەبوون.
بەپێی هەواڵی میدیاكانی توركیا، کۆنسێرتەکەی تاتڵیساس لە مەلەوانگەی “Sultans Pool ” لە “قودس – ئۆرشەلیم” ڕێکخرا و هەزاران کەسیش تیایدا ئامادەبوون.
باسی لەوەشكردووە، پێشوازی گەرمی هاوڵاتییانی ئیسرائیل زۆر لە سەرووی چاوەڕوانییەکانیاندا بووە و چاوەڕێی ئەو هەموو جۆش و خرۆشەیان نەكردووە كە کەسانێکی زۆر بەشداریی لە كۆنسێرتەكەدا بكەن.
لە میانی کۆنسێرتەکەدا ئیبراهیم تاتڵیسەس باسی تەندروستیی خۆی كردووە و وتوویەتی، “هەرچەند دەستی چەپم ڕاناوەستێت، بەڵام زمانم دەدوێت، بەهۆی نزاکانی ئێوەوەیە بە پێوە وەستاوم”.
