ئیدارەی ڕیاڵ مەدرید دواین چانس دەداتە هازارد بۆ ئەوەی بوونی خۆی لە پێكهاتەی سەرەكیدا پیشان بدات.
هازارد لە هاوینی 2019 پەیوەندی بە یانەی ڕیاڵ مەدریدەوە كردووە و نرخی گرێبەستەكەی گەیشتە 100 ملیۆن یۆرۆ.
بەڵام تا ئێستا نەیتوانیوە بوونی خۆی لە یانەی ڕیاڵ مەدرید بسەلمێنێت و زۆربەی كات بەهۆی پێكانەوە لەسەر كورسی یەدەگ بووە.
بە درێژایی سێ وەرزی ڕابردوو هازارد بەهۆی پێكان و دابەزینی ئاستییەوە ، لە پێكهاتەی سەرەكیدا نەبووە.
ڕاگەیاندنەكان ئاماژە بەوە دەدەن كە ئیدارەی ڕیاڵ مەدرید بڕیاریداوە ئەم وەرزە وەك دواچانس بداتە هازارد، بۆ ئەوەی ئاستی خۆی تیا بەرزبكاتەوە، گەر سەركەوتوو نەبوو ڕاستەوخۆ لە وەرزی نوێدا دەفرۆشرێت.
