بەم پێنج ڕێگا ئاسانە لە ماڵەوە پارە پەیدابكە

شارەزایان ئەم پێنج ڕێگایەیان وەك ئاسانترین ڕێگاكانی بەدەستهێنانی پارە لە ڕێگەی ئینتەرنێتەوە دەستنیشانكردووە:-

تۆ تۆڕە كۆمەڵایەتییەكان بەكاردەهێنیت و زۆرجار بە پۆست یاخود كۆمێنت بەشداریی چالاكییەكان دەكەیت، خۆ ئەگەر ئەمە بگۆڕیت بۆ كار و وەبەرهێنانی تیادا بكەیت، ئەوا دەتوانیت لەو ڕێگەیەوە پارە بەدەستبخەیت، بۆ نموونە كاركردن بۆ ئەو دامەزراوانەی پێویستییان بە بەڕێوەبەری پەڕەی تۆڕی كۆمەڵایەتی یاخود پێگەی ئینتەرنێت هەیە.

تۆ دەتوانیت كاڵا و شمەكی بچووك و مایەكەم بكڕیت و لە ماڵەكەی خۆتەوە لە ڕێگەی تۆڕە كۆمەڵایەتییەكانەوە كڕیار پەیدابكەیت و بەوەش ببیت بە خاوەنی كاری خۆت.

ئەمەیان لە كوردستان-یش بە ڕێژەیەكی نزم بەردەستە، بەڵام ئەگەر زمانی دیكە و بە تایبەتی ئینگلیزی دەزانیت، ئەوا لە ڕێگەی بەتاڵكردنەوەی تۆمارە دەنگییەكان و گۆڕینیان بۆ نووسین، دەتوانیت پارە پەیدابكەیت، بۆ نموونە گۆڕینی دەنگی كەسەكان لە كۆڕ و وانە و چالاكییە زانستی، ڕووناكبیری یاخود ئابورییەكاندا بۆ نووسین كە دواتر كەسەكە خۆی یاخود دەزگایەك نووسراوەكان بە شێوەی پەرتووك چاپدەكەن.

ئێستا پۆدكاست بووەتە ڕێگەیەكی كاریگەری گەیاندنی پەیام و كۆكردنەوەی جەماوەر و گوێگر، ئەوەش بریتییە لە بڵاوكردنەوەی بابەتی دەنگی لەسەر ئینتەرنێت، بۆیە دەتوانیت بابەتگەلی جۆراوجۆر هەڵببژێریت و بە دەنگی خۆت تۆمار و بڵاویانبكەیتەوە.

مامەڵكردن لەگەڵ “Forex” كە كورتكراوەی هەردوو وشەی “Foreign Exchange”ـە، دەتكات بە خاوەنی پارە، چونكە لە كاتی ڕوودانی ئاڵوگۆڕ و بەرزی و نزمی لە نرخی دراوە بیانییەكان یاخود دراوە دیجیتاڵییەكاندا، تۆ دەتوانیت هەلەكە بقۆزیتەوە و ئاڵوگۆڕ بە دراوەوە بكەیت.