قوباد تاڵەبانی: كێشەی ڕۆتین چارەسەر دەكەین

جێگری سەرۆك وەزیرانی هەرێم لەگەڵ ژمارەیەك لە سەرمایەدار و وەبەرهێنەرانی پارێزگای سلێمانی كۆبووەوە و پێیڕاگەیاندن لە ماوەیەكی نزیكدا چارەسەری كێشەی ڕۆتین و ئەو گرفتانە دەكەن كە ڕووبەڕووی وەبەرهێنەران دەبنەوە.
ئەمڕۆ یەكشەممە، قوباد تاڵەبانی جێگری سەرۆك وەزیران بەدواداچوونی بۆ ئەو كێشە و گرفتانەی وەبەرهێنەران كرد كە لەكاتی وەرگرتنی پڕۆژەكاندا ڕووبەڕوویان دەبێتەوە و بەڵێنیپێدان كە پلانیان هەیە لە ماوەیەكی كورتدا لەگەڵ هەموو بەڕێوەبەرایەتییەكان كاربكەن بۆ چارەسەركردنی كێشەكانی وەبەرهێنەران و كەمكردنەوەی ڕۆتین.
هاوكات قوباد تاڵەبانی پشتیوانی خۆی بۆ وەبەرهێنەران دووپاتكردەوە و جەختیكردەوە بەهێزكردن و گەشەپێدانی كەرتی تایبەت ستراتیژی حكومەتی هەرێمە بۆ پێشخستن و پەرەپێدانی ئابوری و لە ئەمڕۆوە بە هەموو تواناوە كاردەكەن زەمینەی لەبار بۆ وەبەرهێنان بڕەخسێنن تا وەبەرهێنەران بە خەیاڵی ئاسوودەوە پڕۆژەكانیان جێبەجێبكەن.

بابەتی پێشتر

عەلاوی: لەگەڵ هەرێمی كوردستان لەبارەی ئەم مەترسییە بكوژەوە دانوستاندن بكەن

بابەتی دواتر

سەرۆکی "یوێفا" داوای کەمکردنەوەی ژمارەی یانەکان دەکات

بابەتی پەیوەندیدار
زیاتر ببینە

تەرمێك لە دهۆك دۆزرایەوە

تەرمی كەسێك لە گوندێكی سەر بە پارێزگای دهۆك دۆزرایەوە و پۆلیسی شارەكەش دەڵێت، كێشەی پێشتری هەبووە. پەیامنێرمان لە…
Total
0
Share