بەڕێوەبەری تەندروستیی سلێمانی ڕایدەگەیەنێت، لەماوەی 24 كاتژمێری ڕابردوودا 635 حاڵەتی تووشبوون بە سكچوون و ڕشانەوە داخڵی نەخۆشخانەكان كراون.
د.سەباح هەورامی بەڕێوەبەری تەندروستیی سلێمانی لە هەژماری تایبەتیی خۆی لە تۆڕی كۆمەڵایەتی فەیسبووك بڵاویكردووەتەوە، لەماوەی 24 کاتژمێری ڕابردوودا لە سەنتەری شاری سلێمانی 635 حاڵەتی تووشبوون بە نەخۆشی سكچوون و ڕشانەوە لە نەخۆشخانەكانی سلێمانی داخڵكراون.
دەشڵێت، خۆشبەختانە لە نەخۆشخانەكان چارەسەریی پێویستیان بۆ كراوە و زۆرینەیان نەخۆشخانەیان جێهێشتووە.
ئەوەش لەكاتێكدایە، دوێنێ تەندروستیی سلێمانی بەفەرمی بڵاوبوونەوەی پەتای كۆلێرای لە پارێزگاكە ڕاگەیاند و بۆ ڕێگریكردن لە زیاتر بڵاوبوونەوەشی ژمارەیەك ڕێكار گیرانەبەر.
