قائیمقامیەتی قەزای ناوەندی هەڵەبجە ڕایگەیاند بۆ ڕێگریکردن لە گرانبوونی کرێی گواستنەوەی هاوڵاتییان بڕێک بەنزین دەدرێت بە ئۆتۆمبێلەکانی هێڵەکانی گواستنەوەی گشتی.
لە ڕاگەیەندراوێکدا لیژنەی سوتەمەنی قائیمیەتی هەڵەبجە ڕایگەیاند، بەمەبەستی ڕێگری لە گرانبوونی کرێی گواستنەوەی گشتی، بڕیاردراوە ئۆتۆمبێلە خاوەن هێڵەکانی تاکسی، مینی پاس و پاس بەنزینی پاڵپشتیکراویان پێبدرێت، بڕیارەکەش تەنها ئەو ئۆتۆمبێلانە دەگرێتەوە کە خاوەن هێڵی گواستنەوەن.
بەپێی بڕیارەکە، ئەو ئۆتۆمبێلانەی خاوەنی هێڵی گواستنەوەی تاکسین بڕی 50 لیتر بەنزینیان پێبدرێت.
هەروەها ئۆتۆمبێلەکانی مینی پاس بڕی 60 لیتر بەنزین و ئۆتۆمبێلەکانی پاس بڕی 70 لیتر بەنزینیان پێدەدرێت.
