کریستیان ئیریکسن، ئەستێرەی دانیمارکی یانەی برێنتفۆرد دوو گرێبەستی گەورەی پێگەیشتووە و بەم زووانە هەنگاوێکی گەورە دەنێت.
ئیریکسن لە دوایین پاڵەوانێتی جامی نەتەوەکانی ئەوروپا بەهۆی کێشەی دڵەوە نزیک بوو لەنێو یاریگادا بمرێت، بەڵام دوای چارەسەری پزیشکی و دانانی ئامێری ڕێکخستنەوەی لێدانی دڵ، توانی لە یانەی برێنتفۆرد درێژە بە یاریکردن بدات.
دەیلی مەیڵ نووسیویەتی، یاریزانەکە گرێبەستی نوێکردنەوەی برێنتفۆرد و گرێبەستێکی دیکەی یانەی نیوکاسڵ یونایتدی ڕەتکردووەتەوە، چاوی لە دوو یانەی گەورەی دیکەیە کە لە مێرکاتۆی هاوینی 2022 گرێبەستیان پێشکەش کردووە، ئەوانیش یانەکانی مانچستەر یونایتد و تۆتنهامن.
ئیریکسن دەیەوێت لە خولە ئەوروپییەکان یاری بکات بە تایبەت چامپیۆنزلیگ، هەموو ئەگەرەکان بەو ئاراستەیەن بگەڕێتەوە بۆ تۆتنهام و جارێکی دیکە لەژێر سەرپەرشتی ئەنتۆنیۆ کۆنتی دەست بە یاریکردن بکاتەوە.
