بێرناردۆ سێلڤا یاریزانی مانچستەر سیتی باسی لە داهاتووی خۆی و پەیوەندییەكانی لەگەڵ یانەكە كرد.
بە قسەكانی سێلڤادا دیارە كە دەیەوێت لە مانچستەر سیتی بڕوات و پەیوەندی بە بەرشلۆنەوە بكات.
پێشیوایە لەكاتی مانەوەشیدا لەگەڵ سیتی توشی كێشە و ئاستەنگی نابێت و ئاساییە.
پوختەی قسەكانی بێرناردۆ سێلڤا
/ مانچستەر سیتی یانەیەكی گەورەیە و نایەوێت خاوەنی یاریزانێك بێت دڵتەنگ بێ، هەمیشە پێمان دەڵێن ئەگەر دڵتان خۆش نییە دەتوانن بڕۆن.
/ مادام یانەكە ڕاستگۆ بون لەگەڵمدا منیش ڕاستگۆم لەگەڵیاندا، هەمیشە ڕێزی پەیوەندییەكانم دەگرم لەگەڵ مانچستەر سیتیدا، هەر شتێك ڕووبدات، بەڕێزەوە ڕوودەدات.
/ ئیدارەی مانچستەر سیتی دەزانێت چیم دەوێت، بە ڕوونی و ڕاستگۆیی پێم وتوون، ئەگەر مامەوە لە مانچستەر ئەوا كێشەم نابێت.
/ با بزانین چی ڕوودەدات، هەمیشە وتومە لێرە دڵخۆشم، من زۆر بە ڕوونی و ڕاستگۆیی قسەم لەگەڵ ئیدارەی مانچستەر سیتی كردووە.
/ گواردیۆلا ناهێڵێت پشووی زۆر وەربگرین، بەردەوام لە ڕاهێنانین و ئەوەش بەردەوام لە ئاستێكی بەرزدا دەمانهێڵێتەوە.
