سەرجەم نانەواخانە و سەموونخانەکانی قەزای شارەزوور کارەکانیان ڕاگرتووە و ئەمڕۆ هیچ نانەواخانەیەک نان و سەموونی نەفرۆشتووە، هۆکارەکەی بۆ گرانی ئارد و پێداویستییەکان دەگەڕێتەوە.
خاوەنی نانەواخانە و سەموونخانەکانی قەزای شارەزوور بڕیاریاندا کارەکانیان ڕابگرن و هیچ نان و بەرهەمێکی هەویر نەفرۆشن تاوەکو نرخی پێداویستییەکان بەوجۆرە بەرزبێت.
نانەواخانە و سەموونخانەکان داوایان لە قائیمقامییەتی قەزاکەیان کردووە کە یان نرخی پێداویستییەکان کەمبکرێتەوە یان نرخی نان و سەموون بەرزبکرێتەوە، بەجۆرێک شەش نان بکرێت بە هەزار دینار.
بەهۆی ئەوە داواکارییەکانیان جێبەجێنەکراوە بڕیاری ڕاگرتنی کارەکانیان داوە.
