بافڵ جەلال تاڵەبانی سەرۆكی یەكێتیی نیشتمانیی كوردستان بەبۆنەی گەڕانەوەی كۆسرەت ڕەسوڵ عەلی سەرۆكی ئەنجومەنی سیاسی و بەرژەوەندییەكانی یەكێتی بۆ هەرێمی كوردستان پەیامێكی بڵاوكردەوە و ڕایگەیاند، “گەڕانەوەت بە سەلامەتی و تەندروستییەكی باشەوە شاد و دڵخۆشی كردین”.
لە پەیامەكەیدا هاتووە، “تۆ بۆ ئێمە قەڵایەكیت لە هێز و ورە و نموونەی ئازایەتی و كۆڵنەدانیت”.
سەرۆكی یەكێتی دەڵێت، ” داستانی سەری ڕەش و دێگەڵە شاهیدی ئەو ڕاستییە دەدەن كە تۆ شێر بوویت، شێرەكەی هەولێر وەك سەرۆك مام جەلال دەیفەرموو. ئێستاش بۆ ئێمە سەرمەشقی هەوڵدان و تێكۆشانیت و ناوت لە دڵماندا زیندووە و بەخێربێیتەوە و یەكێتی و كوردستانت ئاوەدانكردەوە”.
