شەفافییەت داهاتی یەك هەفتەی سلێمانی رادەگەیەنێت كە زیاتر لە 15 ملیار دینارە.
ماڵپەڕی شەفافییەت بۆ چاودێری و رێكخستنی داهاتە نانەوتییەكانی سلێمانی و هەڵەبجە و هەردوو ئیدارەی راپەڕین و گەرمیان داهاتی یەك هەفتەی راگەیاندووە بە شێوەیەك، داهات بڕی 15 ملیار و 716 ملیۆن و 830 هەزار و 294 دینار بووە، بە جۆرێك كە 14 ملیار و 604 ملیۆن و 605 هەزار و 840 دیناری واتە 93% نەختینەیە و هەروەها 1 ملیار و 112 ملیۆن و 224 هەزار و 454 دینار، واتە 7 %ی بەشێوەی چەك و مقاصەیە.
ئێستا رۆژانە دەتوانیت سەرجەم داهاتە نانەوتییەكانی پارێزگاكانی سلێمانی و هەڵەبجە و هەردوو ئیدارەی سەربەخۆی گەرمیان و راپەڕین لە ماڵپەری شەفافییەتەوە بزانیت.
