وەک لە سەروتاری ئەم ڕۆژنامەیەدا دەردەکەوێت، ساڵی 1935 پرسیاری تاقیکردنەوەکانی خوێندکاران لە عێراق دزەیپێکراوە.
ڕۆژنامەی ئەلحاسد-ی عێراقی لە سەروتاری ژمارە 7یدا کە ڕۆژی 11ی حوزەیرانی ساڵی 1936 چاپ و بڵاوکراوەتەوە، هاوکاتی نزیکبوونەوەی وادەی بەڕێوەچوونی تاقیکردنەوە گشتییەکانی خوێندکاران، هۆشداری دەدات لە “دووبارەبوونەوە”ی هەڵە و کەموکورتی لە پرسیارەکان و دزەپێکردنیان هاوشێوەی ساڵانی پێشتر و دەڵێت، “ساڵی ڕابردوو پرسیارە گشتییەکان دزەیانپێکرابوو”.
ڕۆژنامەکە بوونی گرفت لە پرسیارەکان و دزەپێکردنیانی بە “گاڵتەجاڕی” ناوبردووە و دەڵێت، ئەو بابەتە بووەتە وێردی سەرزمانی هەمووان.
ماوەی چەند ڕۆژێکە دزەپێکردنی پرسیاری تاقیکردنەوە گشتییەکان لە عێراق مشتومڕی گەورەی ناوەتەوە و ڕایگشتیی هەژاندووە. دەزگای ئاسایشی نیشتمانیی عێراق دەستگیركردنی چەند كەسێكی بە تۆمەتی دزەپێكردنی پرسیاری تاقیكردنەوەكان ڕاگەیاندووە و لێكۆڵینەوەكان بەردەوامن.
