رۆبەرت لیڤاندۆڤسكی پۆڵەندی جەختی كردەوە لەوەی كاتی ئەو لەگەڵ یانەی بایرن میونشن كۆتایی هاتووە.
لیڤا پەیوەندی بە ڕیزەكانی هەڵبژاردەی پۆڵەنداوە كردووە و لە كۆنگرەیەكی ڕۆژنامەوانیدا وتی: ” سەردەمی من لەگەڵ بایرن میونشن تەواو بووە، هیچ هیوایەك نەماوە بۆ ئەوەی جارێكی تر یاریی تێدابكەمەوە.”
وتیشی: “بایرن یانەیەكی جددیە، پێموانیە ڕێگە بدەن ساڵێكی تر لەوێ بم، منیش نامەوێ لەوێ یاریی بكەم، ڕۆیشتنم باشترین ڕێگە چارەیە، هیوادارم ڕێگریم نەكەن.”
لیڤا ڕەتیكردەوە هیچ شتێك لەسەر ئەو یانەیە بڵێت كە پەیوەندی پێوە دەكات بەڵام ئەوەی دوپاتكردەوە كە ئەو چیتر یاریی بۆ بایرن ناكات و چارەسەری گونجاویش تەنها جێهێشتنی یانەكەیە.
