سەرۆكی فەرەنسا كوژرانی ڕۆژنامەنووسێكی وڵاتەكەی لە ئۆكرانیا ڕاگەیاند، كە یاوەری كاروانێكی مەدەنی دەكرد.
ئیمانوێل ماكرۆن سەرۆكی فەرەنسا لە تویتێكدا ڕایگەیاند، فریدیرك لۆكلیرك ئیمهۆف-ی ڕۆژنامەنووس لە ئۆكرانیا بوو بۆ دەرخستنی ڕاستیی جەنگ، بە سەختی پێكراوە كاتێك لەناو كاروانێكی مرۆییدا بووە تایبەت بە گواستنەوەی كەسانی مەدەنی كە لە ترسی بۆمبە ڕوسییەكان ناچار بە هەڵاتن بوون.
كاسرین كۆلۆنا وەزیری دەرەوەی فەرەنسا لای خۆیەوە داوای لێكۆڵینەوەی ڕوونیكرد دەربارەی كوشتنی ڕۆژنامەنووسەكە.
ئیمهۆڤ بۆ كەناڵی BFMTV-ی هەواڵیی كاریدەكرد.
⚡️Governor: French journalist killed during evacuation effort in Luhansk Oblast.
According to Serhiy Haidai, Russian forces shelled an armored evacuation vehicle, killing French reporter Frédéric Leclerc Imhoff, who was covering the effort.
📷 Serhiy Haidai/Telegram pic.twitter.com/Nzq5t3r0VX
— The Kyiv Independent (@KyivIndependent) May 30, 2022
هەوڵەكانی گواستنەوەی هاوڵاتییانی مەدەنی لە ناوچەكەدا كە دەكەوێتە ڕۆژهەڵاتی ئۆكرانیا ڕاوەستا، پاش پێكانی ئۆتۆمبێلێكی زرێپۆش بە پارچەی مووشەكێكی ڕوسی كە بووە هۆی كوژرانی ڕۆژنامەنووسەكە، وەك ئەوەی ئاژانسی ڕۆیتەرز لە زاری سێرگی گایدای حاكمی لۆگانسك بڵاویكردەوە.
گایدای وتی، پارچەی بۆمبەكە زرێپۆشی ئۆتۆمبێلەكەی بڕیوە و ئەمەش بووەتەهۆی كوژرانی ڕۆژنامەنووسە فەرەنسییەكە.
بەپێی وتەی ئەو، هێزەكانی ڕوسیا لە پێشڕەویدان بەرەو ناوەڕاستی شاری سیڤیرۆدۆنتسك لە ڕۆژهەڵاتی ئۆكرانیا پاش ئەوەی بۆماوەی چەند هەفتەیەك لە بەردەم بۆردوماندا بوو، لەئێستادا شەڕی شەقامەكان بەڕێوەدەچێت و وتی، “بارودۆخەكە زۆر دژوارە”.
