بە بڕیاری مستەفا كازمی سەرۆك وەزیرانی عێراق پارێزگاری بابل لەپۆستەكەی دوورخرایەوە و عەلی وەعد عەلاوی بەڕێوەبەری باجەكانی پارێزگای بابل خرایە شوێنەكەی.
بەپێی نووسراوێك ئەمڕۆ شەممە بڵاوكراوەتەوە و تێیدا هاتووە، بڕیاری سەرۆك وەزیرانی عێراق حسێن مەندیل سریاوی پارێزگاری بابل لە پۆستەكەی دوورخراوەتەوە و و عەلی وەعد عەلاوی، بەڕێوەبەری باجەكانی پارێزگای بابل ئەرك و بەرپرسیارێتیی پۆستی پارێزگاری بابل وەردەگرێت.
ئاماژە بەوەشكراوە لە ڕۆژی دەرچوونی فەرمانەكەوە كاری پێدەكرێت و پارێزگاری نوێ دەستبەكاردەبێت.
