ئاسایشی ڕاپەڕین شەش تۆمەتباری بازرگانیکردن بە ماددەی هۆشبەری دەستگیرکرد، کە بڕی دوو کیلۆگرام ماددەی هۆشبەریان پێبووە.
لە ڕاگەیەندراوێکدا بەڕێوەبەرایەتیی ئاسایشی ڕاپەڕین ئاشکرایکرد، بە هاوکاریی ئاسایشی قەڵادزێ شەش تۆمەتباریان دەستگیرکردووە کە بڕی دوو کیلۆگرام ماددەی هۆشبەریان پێبووە.
بەپێی ڕاگەیەندراوەکە، ئەو ماددە هۆشبەرەی پێیانبووە لە جۆری کریستاڵ بووە.
تۆمەتبارەکان بەپێی ماددەی 26 لە یاسای بەرەنگاربوونەوەی ماددەی هۆشبەر و کارتێکەرە عەقڵییەکان ڕاگیراون، بەمەبەستی لێکۆڵینەوە.
