بەڕێوەبەرایەتیی گشتی کاروباری مین لە سلێمانی، ڕایدەگەیەنێت، ئه‌مڕۆ بەھۆی تەقینەوەی مینێکەوە گه‌نجێكی ته‌مه‌ن 36 ساڵان قاچێکی لەدەستداوە.
بەڕێوەبەرایەتییەكە لە ڕاگەیەندراوێكدا ئاماژەی بەوەكردووە، ئه‌مڕۆ یه‌كشه‌ممه، ” ئه‌مڕۆ بەھۆی تەقینەوەی مینێکەوە ھاوڵاتییەک برینداربووه”.
ڕوونیشیكردووەتەوە، تەقینەوەکە لە گوندی “کونەورچ”ی سەر بە قەزای پێنجوێن ڕوویداوە و ھاوڵاتییەکە ناوی (جوتیار بەھادین خوامراد)ە و تەمەنی 36 ساڵە.
هەربه‌پێی ڕاگه‌یه‌ندراوه‌كه، ئه‌و گه‌نجه‌ی برینداربووه دانیشتوی ناوشاخانی ناو قەزای پێنجوێنە و بەھۆیەوە قاچێکی لەدەستداوە.
