دادگای تاوانەکانی کەرکوک بڕیاری شەش ساڵ زیندانیکردنی بۆ ڕێبوار تاڵەبانی، سەرۆکی پێشووی ئەنجومەنی پارێزگای کەرکوک دەرکرد.
لە نووسراوێكی دادگای تاوانەکانی کەرکوک-دا هاتووە، “لەسەر سکاڵای دادوەر محەمەد مەحمود عەبد داواکاری گشتی، دژی تۆمەتباری هەڵاتوو ڕێبوار فایەق تاڵەبانی و بەپێی ماددەی 340ی یاسای سزادانی عێراق، بڕیاردرا بە شەش ساڵ زیندانیکردن و دەستبەسەرداگرتنی موڵكەكانی بۆ ڕێبوار فایەق عەبدلمەجید تاڵەبانی سەرۆكی ئەنجومەنی پارێزگای كەركوك”.
بەپێی نووسراوەكەی دادگای تاوانەکانی کەرکوک، فەرمانی دەستگیرکردن بۆ ڕێبوار تاڵەبانی دەرکراوە و دادگا دەڵێت، “ناوبراو دەتوانێت خۆی ڕادەستبکات و تانە لە بڕیاری سزادانی بدات”.
