حكومەتی هەرێم بڕیاریدا بە لێخۆشبوونی 15% بۆ پێشینەكانی حكومەت كە لای هاوڵاتییانە و بڕیارەكە تا 6ی حوزەیران درێژكرایەوە.
فەرمانگەی میدیا و زانیاریی حكومەتی هەرێم بڵاویكردووەتەوە، لێخۆشبوونی ڕێژەی 15%ی پێشینەكانی حكومەت كە لای هاوڵاتییانە تا 6ی حوزەیرانی ئەمساڵ درێژكراوەتەوە.
ئاماژە بەوە كراوە، لێخۆشبوونەوەكان پێشینەكانی خانووبەرە، قەرزی سندوقی نیشتەجێبوون، بانكی خانووبەرە، هاوسەرگیری و قەرزی بچووك، پێشینەكانی بانكی كشتوكاڵ و پێشینەی پیشەسازی و گەشتیاری دەگرێتەوە
پێشتر حكومەتی هەرێم لێخۆشبوونی بۆ قەرزەكانی كارەبا، ئاو و چەند سێكتەری دیكە دەركردبوو كە لەماوەی دیاریكراودا پێشینەكان بگەڕێندرێنەوە سوودمەند دەبن لە بڕیاری لێخۆشبوونەوەكە.
