لە تۆڕەكۆمەڵایەتییەكانەوە، دەنگۆی ئەوە بڵاوكرایەوە، كە محەمەد حەلبووسی، سەرۆكی ئەنجومەنی نوێنەرانی عێراق، بۆ جاری سێهەم هاوسەرگیریی كردووە، لەگەڵ خانمە پزیشكێك و ئۆتۆمبێلێكی جی كڵاسیشی وەكو دیاریی بۆ كڕیوە، بەڵام ئەو خانمەی كە دەوترێت بووە بە هاوسەری سێیەمی ئەوە ڕەتدەكاتەوە.
“حەنین كوبەیسی”كە یەكێكە لە بەناوبانگترین پزیشكەكانی جوانكاری لە بەغداد، لە نووسینێكدا وەڵامی ئەو دەنگۆیانەی داوەتەوە كە باس لە هاوسەرگیریكردنی دەكەن لەگەڵ سەرۆك گەنجەكەی ئەنجومەنی نوێنەران و دەڵێت،” نەهاوسەرگیرییم كردووە و نە بەنیازم هاوسەرگیریی بكەم”.
جەختیشی كردووەتەوە ئەو دەنگۆیانە دوورن لە ڕاستییەوە.
