عەلی قەرەداخی ئەمینداری گشتی یەكێتی جیهانیی زانایانی موسڵمان دەڵێت، دەبڕینی وشەی (شەهید) یان (شەهادەت) “بەسەر ناموسڵمانەكاندا لەبارێكدا كە هۆیەكی ڕەوا بێت ڕێگاپێدراوە و دروستە”.
چونكە وەكو ئەو دەڵێت، “ئەوەی كە دیار و بەرچاوە مەبەست پێی شەهیدی نیشتمان یان دۆزێكی ڕەوایە، یان شەهیدی بەرگرییە لە خودی ڕوح، مەبەست پێی ئەوەیە كە شەهیدە و لەپێناو خوادایە و دەچێتە بەهەشت، چونكە ئەوە زانستێكە لە عیلمی خوادایە.”
بۆیە قەرەداخی پێیوایە، “لەبەرئەوە دروست و ڕەوا نیە بۆ جگە لە كەسێك كە لەپێناوی خوای گەورەدا بجەنگێ و بكوژرێ كە شەهیدە لەپێناوی خوادا، بوترێ لە شەهیدانی بەهەشتە، هەر بۆیە -باش وایە لەفزەكە مەرجدار بكرێ بەو هۆیەوە كە دەدرێتە پاڵی- هەروەك پێشتر وترا”.
دەشڵێت، “لە ڕاستیدا ئەم مەسەلەیە قسەو باس و مشتومڕێكی زۆری لە نێوان موسڵمانان و بانگخوازانیدا ناوەتەوە، هەیانە توندگیرە، هەشیانە شلگیر و ئاسانكارە تیایدا”.
