لویس سوارێز گرێبەستی لەگەڵ یانەی ئەتلەتیکۆ مەدرید نوێ ناکرێتەوە و لە یاریی داهاتوودا ماڵئاوایی لە هاندەرانی واندا میترۆپۆلیتانۆ دەکات.
یەکشەممەی داهاتوو، یانەی ئەتلەتیکۆ مەدرید لە یاریگای واندا میترۆپۆلیتانۆ میوانداریی ئیشبیلیە دەکات، یارییەکە بۆ هەردوو جەمسەرەکە گرنگە، بەو پێیەی یەکێکیان لە توانایدا دەبێت پلەی سێیەمی ڕیزبەندیی یانەکانی خولی ئیسپانیا یەکلایی بکاتەوە.
بەپێی زانیارییەکانی ڕۆژنامەی “موندۆ دیپۆرتیڤۆ”، لویس سوارێز کۆتا یاریی بە درێسی ئەتلەتییەوە ئەنجام دەدات و ماڵئاوایی لە هاندەرانی یانە مەدریدییەکە دەکات، چونکە تاوەکو ئەم ساتە گرێبەستەکەی نوێ نەکراوەتەوە و بڕیاریش نەدراوە ئۆفەری نوێی پێشکەش بکرێت، ئەوەش پەیوەندی بە دابەزینی ئاستییەوە هەیە و لە چەندین یارییدا بەشێوەی یەدەگ بەشداری پێکراوە.
سوارێز 81 یاریی بە درێسی “ڕۆخی بلانکۆس”ەوە کردووە، تەنها لە 61 یارییدا بەشێوەی سەرەکی بەشداری کردووە، 34 گۆڵی تۆمار کردووە، لە یەکەم وەرزدا ئاستێکی باشی پێشکەش کردووە، بەڵام لەم وەرزەدا ئاستی بەپێی پێویست نەبووە.
