لە ڕانیە تۆمەربارێک دەستگیردەکرێت کە لەدایکبووی ساڵی 2001ـە و پێشتر لە هەولێر فەرمانی دەستگیرکردنی بۆ دەرکراوە.
بەڕێوەبەرایەتیی پۆلیسی ڕاپەڕین ڕایگەیاندووە، بەشی نەهێشتنی تاوان تۆمەتبارێکی دەستگیرکردووە لە ڕەگەزی نێر و لەدایکبووی ساڵی 2001، کە پێشتر بەپێی ماددەی 408ـی یاسای سزادانی عێراقی لە نووسینگەی تاوانەکانی کوشتنی پارێزگای هەولێر فرمانی دەستگیرکردنی بۆ دەرکراوە.
هەروەها لە ڕاگەیەندراوەکەی بەڕێوەبەرایەتیی پۆلیسی ڕاپەڕیندا هاتووە، “ئێمە وەک بەڕێوەبەرایەتیی پۆلیسی ڕاپەرین، پەیوەندی و هەماهەنگیی زۆر باشمان هەیە لەگەڵ سەرجەم بەڕێوەبەرایەتییەکانی تری پۆلیس لە دەرەوەی سنووری ڕاپەڕین، بۆ دەستگیرکردنی تۆمەتباران”.
