لێپرسراوی راگەیاندنی فڕۆکەخانەی نێودەوڵەتیی سلێمانی، رایگەیاند، “ژمارەی گەشتەکانی نێوان سلێمانی و تورکیا دووهێندە زیاددەکات”.
دانا محەمەد، لێپرسراوی راگەیاندنی فڕۆکەخانەی نێودەوڵەتیی سلێمانی، بە تۆڕی میدیایی ئێستای راگەیاند، لە رۆژی 3ی کانوونی یەکەمی 2025ەوە، گەشتەکانی نێوان سلێمانی و تورکیا لە چوار گەشتەوە دەبێت بە هەشت گەشت.
وتیشی، بڕیارە لە ناوەڕاستی هەمان مانگدا سێ گەشتی دیکەش دەستپێبکەن.
ئاماژەی بەوەشکرد، گەشتێکی هێڵی ئاسمانیی کۆندۆریش راستەوخۆ لە سلێمانییەوە بۆ ئەڵمانیا هەر لە مانگی کانوونی یەکەمی 2025دا ئەنجامدەدرێت.
