بەڕێوەبەری پۆلیسی سلێمانی ڕایدەگەیەنێت، چوار كەس بە تۆمەتی تەقەكردن لەسەر شەقامی بازنەیی مەلیك مەحمود دەستگیركران.
ئاسۆ شێخ تەها، بەڕێوەبەری پۆلیسی سلێمانی لەلێدوانێكدا بە تۆڕی میدیایی ئێستای ڕاگەیاند،ئەمشەو چوار كەس بە تۆمەتی تەقەكردن لەسەر شەقامی بازنەیی مەلیك مەحمود دەستگیركراون و دەستیشگیراوە بەسەر چەند چەكێكدا.
ئاشكرایكرد ڕووداوەكە لەسەر كێشەی زەوی و زار لە نێوان دوو بنەماڵە بووە.
ئەمشەو لە ڕووداوێكی تەقەكردندا لە شەقامی بازنەیی مەلیك مەحمود لە شاری سلێمانی كەسێك كوژرا و سێ كەسی دیكە برینداربوون.
