تووشبوویەكی نوێ بە تای خوێنبەربوون كە پیشەی مامۆستایە لە كەركوك ڕاگەیەنرا.
بەپێی ئەنجامی ئەو پشكنینەی لەلایەن وەزارەتی تەندروستیی عێراقەوە بۆ بەڕێوەبەرایەتیی تەندروستیی كەركوك گەڕێندراوەتەوە، تووشبوونی هاوڵاتییەكی شارەكە بەناوی (عەبدولحسین محەمەد عەلی) تەمەن 36 ساڵ پشتڕاستكراوەتەوە.
پەیامنێرمان لە كەركوك پێی ڕاگەیاندین، تووشبووەكە پیشەی مامۆستایە و لە نەخۆشخانەی (شیفای 14)ی تایبەت بە تووشبووانی نەخۆشییەكە هێڵدراوەتەوە و لەژێر چاودێریدایە.
سەرەتای ئەم مانگە كەسێك لە كەركوك، كە پیشەی قەساب بوو، وەك یەكەم حاڵەتی تووشبوو بە تای خوێنبەربوون تۆماركرا و پاش شەش ڕۆژ مانەوەی لە نەخۆشخانە گیانیلەدەستدا.
