كەشناسی كۆی بارانبارین لە سلێمانی و هەڵەبجە ناوچەكانی دەوروبەری ئاشكرادەكات و لە بەرزنجە زیاتر لە 1200 ملیم باریوە.
بەڕێوەبەرایەتیی كەشناسی و بومەلەرزەزانیی سلێمانی بڕی باران بارینی لە مانگی نیساندا و كۆی گشتیی بارینی تا ئەمڕۆ بەراورد بە كۆی گشتی باران لە ساڵی رابردوودا خستەڕوو.
ئامارەكە لە وێستگەكانی سنووری بەڕێوەبەرایەتییەكە و هەندێك وێستگەی سەر بە بەڕێوەبەرایەتیی كشتوكاڵ وەرگیراون.
هەروەك دەریدەخات زۆرترین بارانبارینی ئەمساڵ لە بەرزنجە بووە بە 1210.3 ملیم، لە سلێمانیش 732.8 ملیم باریووە، لەكاتێكدا ساڵی رابردوو تا ئەمڕۆ 420.4 ملیم بووە.
