ڕاهێنەری یۆڤانتۆس دەڵێت هۆكاری كرانە دەرەوەكەم كاردانەوە بووە و پێویستە پیرۆزبایش لە ئینتەر بكەین بۆ بەدەستهێنانی ناسناوی جامی ئیتاڵیا.
ماسیمۆ ئالێگری لە یارییەكەی یۆڤانتۆس و ئینتەر بە كارتی سوور كرایە دەرەوە و هۆكارەكەشی بۆ كەسێك لە یانەی ئینتەر دەگەڕێنێتەوە كە لێیداوە و ئەمیش كاردانەوەی هەبووە بەرامبەری، بەڵام ناوبژیوان كارتی سووری پێداوە.
ئالێگری پێیوایە ئینتەر شایستەی ناسناوەكە بووە و پیرۆزبایی بردنەوەكەشی لێكردن.
ڕاهێنەرەكەی یۆڤانتۆس جەختی كردەوە لەوەی كە ئەوان پێویستە یەكگرتوو بن و بە باشی ئامادەكاری بۆ وەرزی نوێ بكەن.
ماسیمۆ ئالێگری باسی لەوە كرد كە ئەوان ئێستا پشوو دەدەن و لە هاویندا یەك دەگرنەوەو ئامادەكاری بۆ وەرزی نوێ دەكەن.
