ڤیدیۆ.. لە ئۆتۆمبێلێكی جوڵاودا ژنێكی بێهۆش ڕزگاردەكرێت

دیمەنێكی ساتی ڕووداوەكە

پۆلیس ڤیدیۆی ساتێكی سامناكی ئافرەتێكی بوراوە (لەهۆشخۆچوو)ی لەناو ئۆتۆمبێلە جوڵاوەكەیدا و لە شەقامێكی قەرەبالغ بڵاوكردەوە، بەر لە كارێكی ئازایانەی بەكۆمەڵی دانیشتووانی شاری فلۆریدا بۆ ڕزگاركردنی.

ڤیدیۆكە دیمەنی جوڵەی نامۆی ئۆتۆمبێلێك نیشاندەدات، پاش دووبارە جوڵەكردنەوەی لە ترافیكدا و گۆڕینی ئاراستەكەی بەرەو شەقامی بەرامبەر، لە شاری بۆنتۆن بیچ-ی ویلایەتی فلۆریدای ئەمریكا.

دواتر ڕوونكرایەوە كە خاوەن و شۆفێری ئۆتۆمبێلەكە تووشی جەڵدە بووە و بەهۆیەوە لەهۆشخۆی چووە، لە ئاكامیدا ئۆتۆمبێلەكەی لە چوارڕیانەكە كەوتووەتە جوڵە.

لەوكاتەدا ژنێكی دیكە تێبینی دۆخی تەندروستیی شۆفێرەكە دەكات و بەڕاكردن خۆی پێدەگەیەنێت و شۆفێر و ڕێبوارانی شەقامەكە لە دۆخەكە ئاگاداردەكاتەوە بۆ هاوكاریكردنی لە وەستاندنی ئۆتۆمبێلەكە، بەرلەوەی بەهەموویان ئۆتۆمبێلەكە لە شەقامی بەرامبەر ڕابگرن.

پاش ڕاگرتنەوەی ئۆتۆمبێلەكەش جامەكەیان شكاند و شۆفێرەكەیان لێدەرهێنا.

پۆلیس ڕایگەیاند، پەرستارێك لە شوێنەكە بووە، پەیوەندی بە تیمی فریاكەوتنەوە كردووە و چارەسەری پزیشكیی سەرەتایی پێداوە بەر لە گەیشتنی ئۆتۆمبێلی فریاكەوتن.

پۆلیس ڤیدیۆكەی بۆ ڕێزلێنان لەو كەسانە بڵاوكردەوە كە تیایدا دەردەكەون و بەهۆی هەوڵەكەیانەوە ڕێگری لە گەورەبوونی ڕووداوەكە دەكەن و شۆفێرەكەش ڕزگاردەكەن.

بابەتی پێشتر

عەبادی كتێبی "سەركەوتنی مەحاڵ"ی بڵاوكردەوە

بابەتی دواتر

هاتوچۆی سلێمانی شۆفێران ئاگاداردەكاتەوە

بابەتی پەیوەندیدار
Total
1
Share