لە کاتێکدا کەریم بنزیمە لە یاریگاکانی ئەوروپا باشترین ئاست پێشکەش دەکات و نزیک بووەتەوە لە بەدەستهێنانی خەڵاتی باڵۆن دۆر، پەڕگیرێکی ڕاستڕەوی فەرەنسی هەستاوە بە دروستکردنی کێشە بۆ ئەوەی لە خەڵاتەکە بێبەشی بکات.
دامیان ڕیو، ئەندامی پارتی ڕیکۆنکویتۆی فەرەنسی لە تۆڕی کۆمەڵایەتی تویتەرەوە بە چەندین شێوە هێرشی کردووەتە سەر بنزیمە، بە تیرۆریست و یارمەتیدەری تیرۆر وەسفی کردووە.
وێنەیەکی لەگەڵ مامۆستایەکی ئاینی بەناوی نورەدین مەئمون بڵاو کردووەتەوە، کە تۆمەتبارە بە کوشتنی مامۆستایەکی فەرەنسی و هێشتا کەیسەکەی لە دادگایە، هەروەها وێنەیەکی یاریزانەکەی بڵاو کردووەتەوە تێیدا پەنجەی شایەتمانی بەرز کردووەتەوە، چەند وێنەیەکی تری کەسانی تیرۆریستی لەگەڵدا بڵاو کردووەتەوە و بە تیرۆر تۆمەتباری کردووە.
Je crois que @Benzema veut nous faire passer un message. pic.twitter.com/yLOmuLHrD8
— Damien Rieu (@DamienRieu) November 22, 2020
بەپێی زانیارییەکانی ڕۆژنامەی “لو پاریسیان”ی فەرەنسی، بنزیمە بەم کردەوەیەی دامیان ڕیو توڕە بووە، بە تۆمەتی ناوزڕاندن و بێزارکردن لەبەردەم دادگای پاریس سکاڵای تۆمار کردووە.
Intéressant de découvrir que @benzema fréquente l’imam Nourdine Mamoune qui vient d’être perquisitionné… 😏
Vivement que la Justice s’intéresse aussi au financement des mosquées de #Bron. pic.twitter.com/avP63nTct1— Damien Rieu (@DamienRieu) October 23, 2020
تێوەگلانی بنزیمە بە کەیسی تیرۆر و هەوڵدان بۆ ناشرین کردنی وێنای یاریزانەکە، کاریگەری لەسەر هەڵوێستی دەنگدەران بۆ خەڵاتی باڵۆن دۆر دروست دەکات، بۆیە دەیەوێت بەپەلە ئەو کەسایەتییە سیاسییە فەرەنسییە بە سزای یاسایی بگەیەنێت.
