فرانک واڵتەر شتاینمایەر سەرۆکی ئەڵمانیا ڕایگەیاند، هەوڵەکان بۆ بونیادنانی “ماڵی ئەوروپیی هاوبەش” لە سایەی ڕووداوەکانی ئەم دواییەی ئۆکرانیادا شکستیهێنا.
شتاینمایەر لە گوتەیەکیدا بەبۆنەی یادی خۆبەدەستەوەدانی ئەڵمانیای نازییەوە لە جەنگی دووەمی جیهانیدا، ڕایگەیاند، یادەکەی ئەمساڵ بووە ڕۆژی جەنگ و “خەونی بونیادنانی ماڵی ئەوروپیی هاوبەش شکستیهێنا و مۆتەکەیەک شوینیگرتەوە”.
هەروەها لەبارەی جەنگی ئۆکرانیاوە سەرۆکەکە گوتی، “ئەم جەنگە دوورکەتنەوەیە لە زۆرێک لەو شتانەی پێشتر ڕوون و یەکلابووەوە بوون. ئەم جەنگە وەرچەرخانێکی مێژووییە”.
شتاینمایەر ڕەخنەی زۆری ئاراستەی ڤلادیمێر پوتین کرد و بە “شێواندنی مێژوو” تۆمەتباریکرد، لەبەر پاساودانی ئەو ئۆپەراسیۆنە سەربازییەی دژ بە ئۆکرانیا ئەنجامدەدرێت، بەوەی شەڕکردنە دژ بە نازییەکان.
