ژن و مێردێکی مەکسیکی ئاهەنگی هاوسەرگیرییەکیان لەسەر شێوازی نازییەکان ئەنجامداوە، وەک یادکردنەوەیەکی ئەدۆڵف هیتلەر سەرۆکی نازییەکان و لە هەمان بەرواری هاوسەرگیریکردنی هیتلەریشدا.
لە ئاهەنگەکەدا فێرناندۆ زاوا مەکسیکییەکە جلوبەگێکی سەربازیی نازییەکانی پۆشیوە، لەگەڵ کڵاوێکی هاوشێوەی کڵاوە سەربازییەکەی هیتلەردا.
وێنەکانی فێرناندۆ و جۆزفینا بووکی ئاهەنگەکە لە تۆڕە کۆمەڵایەتییەکاندا بڵاوبوونەتەوە و هەرایان ناوەتەوە، چونکە چالاکوانان ئیدانەی ئەم ئاهەنگگێڕانەیان بە نازییەکانەوە کردووە، ئەو هێزەی بوونە سەبەبکاری جەنگی جیهانیی دووەم و کوشتنی ملیۆنان کەس.
هەروەها هاوڕێیانی فێرناندۆش بە جلوبەرگی سەربازیی نازییەکانەوە ئامادەی ئاهەنگەکەبوون و لەسەر شێوەی نازییەکان سڵاویان لە زاواکە کرد، پاش هاتنەدەرەوەیان لەو کڵێسایەی ڕێوڕەسمی ئاهەنگەکەی تێدا بەڕێوەچوو.
