ڕاوێژكاری دارایی سەرۆك وەزیرانی عێراق پێشبینیدەكات داهاتی عێراق لەمساڵدا زیاتربێت لە 150 ملیار دۆلار.
موزهەر محەمەد ساڵح، ڕاوێژكاری دارایی سەرۆك وەزیرانی عێراق ڕایگەیاند، پێشبینییەكانی سندووقی دراوی نێودەوڵەتی بۆ عێراق سەبارەت بە زیادبوونی داهاتەكانی لەمساڵدا بە تێكرای داهاتی نەوتی و نا نەوتی لە عێراقدا دروستبووە و داهاتی عێراق زیادیكردووە.
ئاماژەی بەوەكرد، ڕۆژانە 3 ملیۆن و 400 هەزار بەرمیل نەوتی خاو لە عێراقەوە هەناردەدەكرێت ئەگەر هەر بەرمیلێك نەوت بە 104 دۆلار بفرۆشرێت داهاتەكەی 8 بۆ 10 ملیار دۆلارە.
ڕاوێژكاری دارایی سەرۆك وەزیران وتی، ” ئەگەر داهاتەكانی هەرێمی كوردستانیش ئەژماربكرێت و داهاتەكانیان زیادبكات داهاتی ساڵانەی عێراق زياتردەبێت لە 150 ملیار دۆلار لە كۆتایی ساڵی دارایی 2022دا”.
