یەكێتیی تۆپی پێی جیهان وەڵامی سكاڵاكەی میسڕیان دایەوە كە داوایكردبوو یارییەكەی سەنیگال دووبارە بكرێتەوە.
داواكارییەكە لە پای ئەوە بوو كە ناحەقی كراوە بەرامبەریان و لە لێدانە سزاكاندا لێزەر دراوە لە چاوی یاریزانەكانی میسڕ.
یەكێتیی تۆپی پێی جیهان ئەم بڕیارانەی دەركرد:
– یەكێتیی تۆپی پێی میسڕ بە شەش هەزار فڕانكی سویسری غەرامەكرا، لەبەرئەوەی شەش ئەندامی هەڵبژاردەی میسڕ ڕەفتاری ناوەرزشی هەبووە.
– یەكێتیی تۆپی پێی سەنیگال بە بڕی 175 هەزار فڕانكی سویسری غەرامەكراوە.
– یاریی داهاتووی هەڵبژاردەی سەنیگال بە بێ هاندەر بەڕێوەدەچێت.
سەنیگال بە لێدانی یەكلایی كەرەوە لە میسڕی بردەوەو گەیشتە مۆندیالی 2022ی قەتەر.
