یانەی یوڤانتۆسی ئیتاڵی پلانی داڕشتووە جێگرەوەی پاولۆ دیبالا و ئەلڤارۆ مۆراتا لە ناوخۆی ئیتاڵیا دابین بکات.
ڕۆژنامەی “توتۆ سپۆرت” ئاشکرایکردووە، بەڕێوەبەرانی یوڤانتۆس لەسەرهێڵن بۆ گواستنەوەی نیکۆلۆ زانیۆلۆ لە یانەی ڕۆماوە، نرخی یاریزانەکە 60 ملیۆن یورۆیە و بۆ کەمکردنەوەی ئەو نرخە، ئامادەییان نیشانداوە ئارسەری بەڕازیلی بەشێوازی ئاڵوگۆڕ پێشکەشی ڕۆما بکەن، لەلایەن خۆیەوە جوزێ مۆرینیۆ ڕەزامەندیی نیشانداوە، بەڵام لەسەر نرخی زیادەی بۆندەکە هێشتا گفتوگۆکردن بەردەوامە.
وەک جێگرەوەی مۆراتا، ئەندریا ئانێلی و پاڤێل نێدڤید هەوڵەکانیان بە ئاراستەی مارکۆ ئارناوتۆڤیچی هێرشبەری یانەی بۆلۆنیا دەستپێکردووە، سەرەڕای ئەوەی ئیدارەی بۆلۆنیا ئامادە نییە دەستبەرداری 33 ساڵەکە ببێت، بەڵام گرێبەستی یوڤانتۆس لە خواستی بۆلۆنیا بەهێزترە.
