كەشناسیی هەرێم: بارانبارین بەردەوام دەبێت

بەڕێوەبەرایەتیی كەشناسی و بومەلەرزەزانی ھەرێم بڵاوکردەوە، بارانبارین ئەمڕۆ و سبەینێ بەردەوام دەبێت و لە هەندێک کات و شوێندا بارانی بە لێزمە دەبارێت و هەورەتریشقەشی لەگەڵە.

كەشناسیی هەرێم، پێشبینیەكانی بۆ كەشوھەوای 48 كاتژمێری داھاتوو بڵاوكردەوە و پێشبینی دەكات، ئەمڕۆ ئاسمان نیمچە هەور دەبێت دواتر دەگۆڕێت بۆ هەوری تەواو، لە کاتەکانی دوای نیوەڕۆدا بارانبارین دەستپێدەکات.

دەربارەی كەشوھەوای سبەینێ كەشناسی پێشبینی ئەوەی كردووە، ئاسمان لەنێوان نیمچە هەور و هەوری تەواودا دەبێت لە هەندێک کاتدا دەگۆڕێت بۆ هەوری تەواو، لەگەڵ دابارینی نمە باران لە کات و شوێنی جیاوازدا، لەکاتەکانی دوای نیوەڕۆ لە ناوچە شاخاوییەکان بارانی بە لێزمە دەبارێت.

لەبارەی پلەكانی گەرماش كەشناسی پێشبینی كردووە كە پلەكانی گەرما لە پارێزگاكانی هەرێم و كەركوك دوو پلە بەرز ببنەوە.

بابەتی پێشتر

مەسرور بارزانی پوختەی سەردانەكەی بەریتانیا بۆ ئەنجومەنی وەزیران باسدەكات

بابەتی دواتر

هەنگوینی ساختەیان فرۆشتووە.. دوو هاوڵاتی لە سلێمانی دەستگیركران

بابەتی پەیوەندیدار
Total
0
Share