ڕوسیا هەناردەكردنی غازی بۆ دوو وڵاتی دیكەی ئەوروپی ڕاگرت ئەویش دوای ئەوەی كە بە ڕۆبڵ مامەڵەیان لەگەڵ مۆسكۆ نەكردووە.
بەپێی هەواڵی میدیا جیهانییەكان، ڕوسیا دوای ئەوەی دوێنێ هەناردەكردنی غازی بۆ هۆڵەندا ڕاگرت، ئەمڕۆش هەناردەكردنی غازی بۆ هەریەكە لە وڵاتانی پۆڵەندا و بۆلگاریا ڕاگرتووە.
ئاشكراشیانكردووە، هۆكاری هەناردەنەكردنی غاز بۆ ئەو سێ وڵاتە لەلایەن ڕوسیاوە بۆ ئەوە دەگڕێتەوە، كە ئەو وڵاتانە ئامادە نەبوون شایستە داراییەكان بە ڕۆبڵ خەرج بكەن، بۆیە ڕوسیا هەناردەكردنی ڕاگرتووە.
پێشتر ڕوسیا بڕیاریدابوو مامەڵەی فرۆشتنی غاز لەبری دۆلار بكاتە ڕۆبڵ، ئەویش وەكو وەڵامێك بۆ سزاكانی ئەوروپا و ئەمریكا كە بەهۆی هێرشەكانی ڕوسیا بۆ سەر ئۆكرانیا بەسەریدا سەپێندرابوون.
