دوێنێ شەممە کەشتییەکی کۆچبەران کە لە ناوچەی دانکیخ-ی فەرەنساوە بۆ بەریتانیا بەڕێکەوتبوو، ژێرئاوکەوت و کۆچبەرەکان ڕزگارکران.
هێزی دەریاوانیی فەرەنسی دوای ڕووداوەکە گەیشتووەتە لای کۆچبەرەکان و بە کەشتی و کۆپتەر ڕزگاریکردوون.
بەپێی زانیارییەکانی میدیای فەرەنسی، لەناو کۆچبەرەکاندا ژن و منداڵ هەن و دوو منداڵی دوو ساڵانیش لەناو کۆچبەرەکاندا هەبوون.
هۆکاری ژێرئاوکەوتنی کەشتییەکەی کۆچبەران شەپۆلی کەشتییە گەورە بازرگانییەکان بووە، کە بە تەنیشتی کەشتییەکەدا تێپەڕیوە.
میدیای فەرەنسی ئاشکرایدەکات، تەنها باری تەندروستیی دوو منداڵەکە ناجێگیرە و کۆچبەرەکانی دیکە تەندروستییان جێگیرە.
